![](/sites/default/files/images/bitumenski-lenti.jpg)
Наоѓаат широка примена како во нискоградбата така и во високоградбата. Се користат за изведување на хидроизолација на рамни кровови и кровни градини, подземни објекти каде постои влага, подземни води и води под протисок. Во зависност од составот и намената постојат неколку типови и тоа: еластомерни битуменски ленти (Бикутоп), пластомерни битуменски ленти (Бимпласт) и др.
![](/sites/default/files/images/razredeni-bitumeni-i-pasti.jpg)
Битуменската паста Бимизол е еднокомпонентен хомоген премаз на база на битумен, полимер, растворувачи и полнила. Се применува по ладна постапка и служи за хидроизолација на рамни кровови, купатила, санација на стара хидроизолација и др. Разредените битумени се користат како основен премаз (прајмер, грунд) за метална, бетонска и дрвена подлога. Битуменски лепак за паркет е погоден за лепење на сите видови на паркети, а алуминобитот се користи како завршен рефлектирачки заштитен слој.
![](/sites/default/files/images/vruki-bitumenski-masi-i-industriski-bitumeni.png)
Се користат за залевање на сите видови бетонски, метални и дрвени спојки, хидроизолација на челични цевоводи, цистерни, гасоводи, паркети и сл. Наоѓаат примена и во сите видови подземни и надземни хидроизолации.
![](/sites/default/files/images/bitumenski-proizvodi-za-patista.png)
Наоѓаат примена во нискоградбата за изградба на патишта. Тука спаѓаат полимер модифицирани битумени за изработка на повеќе типови на асфалтни мешавини, битумени за топли асфалтни мешавини и хидроизолација на мостови. Исто така изработуваме анјонски, катјонски и полимерни емулзии, разредени битумени како основен премаз, производи за бетонски, асфалтни и метални спојки (фуги).
![](/sites/default/files/images/bitumen-shindra.jpg)
Кровен покривач од стаклен воал обложен од двете страни со специјална битуменска маса. Се применува за покривање на сите видови коси кровови со нагиб помеѓу 10 и 85 степени. Од горната страна шиндрата е посипана со дробен шкрилец во различни бои (црвена, зелена, сина и кафена) и различни форми.